好耐冇寫過日記, 冇心機寫, 冇心情寫, 冇嘢好寫, 溫溫下書, 突然間想寫......

最近脾氣大咗, 粗魯咗, 好多嘢都冇心機諗, 冇心機做, 成日都係諗住放工番屋企, 去街冇咩意慾, 連買電豬男份禮物都只係一個人ot完走去又一城買.........我都覺得自己有啲怪怪地.....

同電豬關係時好時壞, 我好易發脾氣, 成日不其然咁講粗口, 唔知點解, 唔想成日話自己工作壓力大, 所以會咁......最近佢又成日嫌我依樣唔好嗰樣唔好, 對我好不滿, 今我突然間覺得好討厭, 我真係變得咁差, 我成日都想改, 亦成日都提自己唔好咁, 我都想改, 但唔好再咁樣話我, 我知道自己有咩問題, 我真係想放鬆下, 我發覺有一個方法可以令我減壓...就係同小朋友玩, 但去邊度搵個小朋友俾我玩, 咪上鄰居度玩人哋個孫仔囉....haha

我真係好需要時間去改, 唔會2日就變回己前既我...................

唔知今日寫完幾時先至又有咁既興致寫呢....哈哈哈哈哈哈哈.......